盧國沾作品演唱會門票掃清度期加場

「詞壇聖手」盧國沾（沾Sir）將於7月22日及23日假紅館舉行「歌詞大師盧國沾作品演唱會」，門票於開售短短幾天，已被歌迷掃清。沾Sir得聞喜訊既開心又感動：「由最初患病到依家已經20幾年，諗唔到仍有咁多圈中朋友、歌手支持我，後輩對我好尊重，好似黃偉文（Wyman）、潘源良二話不說就喺我嘅電視特輯中亮相，嗰日黃偉文仲親自為我推輪椅，好照顧周到，很感動、很感恩 !」主辦單位新娛國際負責人丘亞葵透露不停收到歌迷要求加場，現正跟歌手們度期，望可全體演出者參與才考慮加場。