葛民輝逼黎明Fans合照

藝人葛民輝昨日出席活動，對於DJ Donald遇襲一事，他表示擔心：「我都聽聞有啲（狂迷騷擾），以前仲有廣播台長年代，有電台孖寶保安，一見到有唔熟面口就會好緊張。（你有冇惹到狂蜂浪蝶？）啋啋啋！（有冇癡纏粉絲？）其實我仲癡纏過啲粉絲，成日問佢哋同唔同我影相？佢哋話我煩，話其實係等緊黎明！」而同場歌手AGA被問到與藝人林德信的緋聞時說：「得啖笑，我哋係好好朋友，入行前已經識。（有冇可能發展？ ）識咗太多年，都係好朋友。（話佢同大胸女仔拍拖？）個女仔我都識，好慘，其實佢係好好男仔，唔好寫到佢咁。（咁佢係咪同大胸女仔拍拖？）問番佢，我唔識答呢啲！」