王大陸戴套開工熱到想殺人

台灣藝人王大陸於電影節上與前輩任達華齊齊亮相,他透露與任達華於橫店為新片開工,當中有不少打鬥場面,呻天氣熱拍得辛苦:「好彩夜戲多就沒有太辛苦,幸而到現在拍了這麼多打戲也未有受過大傷,但拍一、兩場打戲便要停低休息,因戴頭套不能散熱,感覺熱到想殺人!」至於見慣大場面的任達華亦笑言頂唔住咁熱:「今次特別化妝好勁,上、落妝一日要用四個鐘,戴咗頭套肯定冇人認得出,但頭套好焗!(替身?)打戲有安排替身,但盡量親身上陣。」活動上,任達華與韓星河知雲相當好傾,他笑言與韓星特別有緣:「同全智賢合作過到依家都有保持聯絡。(傾乜?)生完小朋友就梗係傾湊小朋友。」