Hilary撐童童咀女：戥佢開心

竇靖童近年加入樂壇發展音樂事業，形象愈見中性，且常被拍得與同性友人出入，引來外間對其性向的揣測。遺傳自母親王菲的我行我素，童童早前公然在北京街頭與密友Rebecca Tsang咀嘴，事後獲多方好友力撐開心要緊。

SheShe戀冇問題

與童童一起長大的好友Hilary前晚出席香檳活動時，被問及童童與女友當眾kiss一事？Hilary表示近來未有跟童童見面，但就力撐對方當街咀嘴冇問題：「自己開心咪得囉，又唔係做錯咩事，最緊要佢開心，佢女友開心，我都戥佢開心！（見過佢女友？ ）未見過，但聽講佢幾好人。（支持同性戀？）支持，佢係我好朋友，就算我唔支持（同性戀），都一定會支持佢！」言談間暗認童童的同志身份，及踢爆她與Rebecca Tsang的戀人關係！此外，剛甩拖的Hilary又透露現時單身，問到有否追求者？她笑言：「一啲啦，又唔係好多！」

童童與密友Rebecca不時親密攬腰出入，引來外間揣測性向。	童童早前在北京街頭與密友Rebecca咀嘴。	徐濠縈透露七月將帶囡囡到北京長城參加跑步活動。

徐濠縈跑長城

而同場的歌手陳奕迅（Eason）太太徐濠縈，就透露將於七月到北京長城參加跑步活動：「好難得唔係遊客身份去長城，好想去體驗吓！今次會帶埋個囡一齊去，因為好難得有機會去長城跑，但我先生要開演唱會，可惜少咗一家三口嘅相。」提到早前有報道指Eason擁40吋腰圍，被逼與她一起做運動？對此她笑言：「唔係逼，嗰日一齊做完瑜伽，佢太熱除咗件衫，話佢40吋腰圍太誇張，點會有40吋？」

莊思明大讚男友楊明為人陽光樂觀。

鍾浠文前晚盛裝出席香檳活動。

至於被本報踢爆與藝人楊明拍拖的莊思明，對於胞姐莊思敏大讚男友，她甜笑回應：「咁佢係幾好，個人好陽光樂觀，好開心！ 」

文：名人組