G.E.M.性感致敬 世榮 Paul 盼年年開騷 延續家駒愛心
紀念Beyond已故主音黃家駒的慈善演唱會前晚舉行，前Beyond成員葉世榮、黃貫中、樂隊太極及打扮性感的「宇宙天后」鄧紫棋（G.E.M.）等傾力演出，世榮與黃貫中表示希望每年6月10日都開騷，延續家駒的愛心。
由葉世榮發起的《家駒....愛心延續慈善演唱會2016》前晚在會展舉行，前日是家駒54歲冥壽，多位前輩及後輩歌手參與演出，齊齊向家駒致敬。前輩歌手包括前Beyond隊友世榮、黃貫中（Paul）、劉志遠（遠仔）、樂隊太極、組合草蜢等，新一輩歌手則有G.E.M.、顧芮寧、側田及年僅8歲的譚芷昀等。
眾人輪流上台表演，穿金色低胸露腰上衣加白褲的G.E.M.出場時稱：「家駒好多音樂對我音樂路上同人生路上有好多影響，好開心可以一齊將家駒o既愛同精神延續落去。」之後她唱出《情人》及《喜歡你》。
全場講生日快樂
到太極表演，歌迷開始high爆，輪到世榮及Paul出場，即掀起全晚高潮。兩人合唱《金屬狂人》後，隨即邀請從台灣而來的舊隊友遠仔及前監製歐陽燊出場，並唱出《再見理想》。世榮說：「做呢個騷過程唔容易，中間好多困難，但我唔怕困難。多謝好多朋友支持，包括Paul，舊年第一時間打畀佢，佢即刻爽快應承。」之後世榮重拾鼓手身份，跟Paul演繹《灰色軌跡》，接着兩人再合唱《光輝歲月》及《海闊天空》。演唱會尾聲，世榮及Paul發動全場歌迷講：「家駒，生日快樂！」現場即播出家駒的舊聲帶：「收到，好開心。」最後演唱會圓滿結束。
演唱會完結，世榮、Paul及遠仔齊齊受訪。對於歌迷反應熱烈，Paul坦言：「做人好難得，當佢肉身已經唔喺呢個世界上，但佢仍可以繼續為呢個世界做咁多嘢，戥家駒開心。」世榮亦指在台上唱歌很感觸：「好多畫面飄過，能夠延續家駒o既愛心，我非常滿足。」問到黃家強沒有到場支持可會覺得美中不足？Paul聞言沒有反應，世榮則說：「都有多少，但佢一早講咗呢個時間有嘢做，希望佢出年可以參與，希望每年6月10日都有呢個大禮物送畀家駒。」Paul亦稱：「有期點解唔嚟？可以為家駒做呢啲嘢已經心滿意足。」
籌約二百萬善款
性感打扮的G.E.M.表示：「要打扮靚啲，除咗延續家駒o既愛，都要延續佢o既美麗。」她又稱初戀男友用歌曲《情人》跟她講分手，故她對此曲特別有情意結。雖然家強沒有到場，但他亦有在微博發文祝賀哥哥家駒生日。另外，演唱會扣除成本後，受惠機構保良局及福幼基金會合共籌得接近200萬的善款。
文：音樂組