Fans拍膊頭 坤坤可惜:男嚟嘅

歌手許廷鏗(Alfred)、吳業坤(坤坤)及袁偉豪昨日出席活動,擔任表演嘉賓的Alfred和坤坤落台唱歌時被在場「大媽」包圍影相及握手,場面頗為墟冚。

受訪時Alfred自爆有「大媽」在離他幾厘米的距離作狀錫他,令他感到有點害怕,問到可會想做「師奶殺手」?Alfred說:「呢啲冇話想唔想,係就係,觀眾緣嘅嘢,邊個層面支持多啲係冇得強求。」問到可曾遇過粉絲做出瘋狂行為?坤坤說:「試過畀啲熱情Fans捉住捉到行唔到,又試過有Fans拍我膊頭,我擰過去佢就唱歌畀我聽,不過呢啲係開心嘅。(男定女?)男嚟嘅,好可惜。」談到外地曾有粉絲做出傷害偶像的行為時,兩人都力撐歌迷有規矩。