黎燕珊派福袋氹老友記
亞姐黎燕珊以「仁美清叙」主席身份率領程瑤、陳綺明、黃素歡、張加慧、陳麗文及孟丹珏等，到葵涌某護老院出席「仁美愛心賀端陽」活動，與百位長者共度端午節，除大派健康福袋外，眾「仁美」成員化身「Pink Lady組合」，載歌載舞及與長者玩遊戲，逗得一班「老友記」非常開心。
黎燕珊表示：「好感謝各位善長一直對仁美清叙嘅無限支持，今次派畀長者嘅福袋，裏面嘅麥皮、餅乾、毛巾、膠布都係由善長贊助，而生果同糉係仁美副秘書長黎嘉韻（前名黎若清）自掏腰包購買。善長對仁美嘅支持，會令我哋更團結去做善事，希望令更多有需要人士受惠。」
