廖碧兒小三撬牆腳

藝人王宗堯、趙學而和廖碧兒昨日在銅鑼灣為ViuTV劇集《瑪嘉烈與大衛系列 綠豆》拍攝外景,廖碧兒飾演趙學而與王宗堯的第三者,劇情講述三人碰面的情景。趙學而指現實中的朋友也有這些情況,她笑說:「如果結咗婚就難搞啲,好彩我老公生生性性,我唔使愁呢啲。」她又取笑廖碧兒有好多「筍盤」揀,廖碧兒笑說:「朋友嚟啫,依家做嘢為主。」

王宗堯講到第三者問題,他說:「試過,好多時都有,可能喺唔知道嘅情況,或者冇特別交代清楚,開始拍拖或者終結嘅時候最易出現。不過,就未發生過好似劇入面咁要去決定揀老婆或者情人。」