鄧穎芝大懵冇得去越南

歌手鄧穎芝（Vangie）跟樂隊Dear Jane的主音Tim及結他手Jackal昨晨出席環保慈善活動，三人參與三公里賽事，都在廿分鐘內完成，Tim跑得最快，Jackal則包尾。Vangie本來跑完即飛去越南旅遊，未料她大懵沒辦簽證要取消行程：「好失策，上星期五買咗平價機票，但我唔知去越南要攞簽證，前兩日領事館又唔開，又唔可以做落地簽證，有朋友叫我攝錢入護照過關，我唔想畀人拉去坐監！」最終只好取消外遊。有傳Vangie因替ViuTV拍格鬥真人騷，遭無綫劇飛起，她說：「演員係被動，我只係把握每個機會。」