Lea T.湊格鬥熱 自信揪得sure win

早前ViuTV播出的真人騷節目《G-1格鬥會》打到拳拳到肉,掀起了女生格鬥熱潮,盛傳該節目將開拍第二季,連來自斯洛伐克的女模Lea T.亦心郁想參加。學了兩年拳擊的她信心十足,揚言出賽必定sure win。

電視節目《G-1格鬥會》的女女對戰成為圈中熱話,現年28歲的Lea T.向來熱衷運動,近兩年更迷上拳擊。好打得的她表示對該節目早有聽聞,若開拍第二季,也躍躍欲試:「我除咗拳擊外,最近仲學埋泰拳,最鍾意接受訓練同挑戰。如果參加格鬥,我有信心會贏!因為我身材比較大隻,而且有拳擊訓練基礎。我唔怕畀人打傷塊面,只係怕打甩牙啫!」

倣效超模求紮實

Lea對體能各方面充滿自信,自言5歲開始跳芭蕾舞直至18歲,一直有鍛煉肌肉,加上每日從不間斷做運動,她笑言:「當我同名人約會或者拍拖,唔只係做女友嘅角色,仲可以做埋保鏢,二合一,哈哈!」擁有34C、24、35完美身形的Lea,一直視Victoria's Secret超模身材為完美指標,故倣效超模藉拳擊運動修緊線條:「佢哋唔係瘦到一棚骨,而係身形結實、修長又強壯,同時有豐滿嘅上圍同堅挺臀部,係我夢寐以求嘅身材。練咗拳擊後,有馬甲線之餘,臀部同手臂都結實咗。」

踢腿舉重練體能

Lea每星期上三堂拳擊,每次約兩小時,由私人教練Elvis Lam指導。在兩小時練習中,Lea先做熱身,再由教練指導正確的出拳姿勢並互做對打練習,又會用沙包練習出拳及踢腿動作,以及做舉重運動作輔助。教練Elvis指拳擊運動對體力要求較高,但Lea一直有運動習慣,所以對她來說不算太吃力,並大讚對方有天分。

文:名人組

場地:Pure Fitness

服裝:Pure Apparel