祖兒信錯庸醫 慘遭異「襪」拮親

樂壇天后容祖兒昨日與音樂人馮翰銘（Alex）為音樂會綵排，提到好姊妹蔡卓妍（阿Sa）拍攝綜藝節目時「拗柴」拉傷韌帶，祖兒早前參加《我是歌手4》同樣傷腳，故得知時亦被嚇親：「我隻腳都未好番佢就嚟料！佢平時唔會喊，但今次竟然忍唔住喊，希望佢快啲好番！」還自爆早前因誤信朋友，幫襯「騎呢女醫師」睇腳傷：「佢一揸就揸住咗我最痛嘅地方，話我上筋搭住下筋，下筋又搭住上筋，又話用手指幫我將佢整番去原位，痛到我！雖然我有懷疑，但又好似鬼上身咁信佢，之後又鬼上身咁同佢講膊頭都有事，佢就介紹我去女賓部幫我醫，總之佢講乜我都迷迷糊糊信。」離開時，她發現襪裏有一支未用過的針而慘被拮親，笑言今次經歷夠晒經典。