英國女星姬娜萊莉（Keira Knightley）早前被《一切從音樂再開始》（Begin Again）合作的導演John Carney批評演技差及耍大牌，但John前日跪低在社交網站Twitter認錯，自稱蠢材的他，卻串錯姬娜名字：「最近我喺電話訪問入面，講番我套由Kiera（應為Keira）Knightley主演嘅舊片《一切從音樂再開始》。我針對姬娜講咗一堆無聊、刻薄同傷害性嘅說話，我為自己竟然講呢啲嘢感羞愧。」
John又稱讚姬娜專業：「我已私下寫信畀姬娜道歉，但我亦想公開並毫無保留咁向佢嘅粉絲同朋友或其他因此受到冒犯嘅人道歉，我亦唔會再犯。」