唐詩詠眼濕濕撐洪永城約舊愛
藝人唐詩詠和林盛斌昨日在上環出席澳門旅遊宣傳活動。唐詩詠的男友洪永城（Tony）近日被傳翻撻造型師舊愛Bird Tse，她直指實屬小事：「花邊新聞嚟，唔使咁緊張。（佢見舊愛有冇申報？）佢有同我講去飲嘢。」有指她因此打消與男友的買樓結婚計劃，她說：「一直都冇呢個計劃。」會否多管教另一半，她指這樣做會辛苦自己：「要管另一個人，段關係都唔會長久。」
「唔好寫我結婚喇」
談到Bird在網上既放上與Tony的合照，又留曖昧字句，疑似挑機，詩詠對此不置可否：「呢啲應該係佢圍內朋友嘅Inside Joke，唔識佢。」問自己有否約舊愛見面，她說：「我有咁嘅選擇，另一半都會尊重。（有見面？）冇嘅，之前都有Whatsapp，但好耐喇，好耐之前嘅亦唔會。（百分百信任男友？）大家唔好咁多揣測啦！」
早前好友馬國明曾表示與Tony不熟，亦有指男友未能融入詩詠的圈子，她說：「佢哋都係緊張我！」此時詩詠即指自己眼睫毛入眼，要稍事整理，其後整段訪問都雙眼泛紅又望落眼濕濕，不過她說：「大家唔好以為我喊！」問她會否安排男友與自己圈子朋友見見面，詩詠回應：「我自己都成日約佢哋唔到。（馬國明係第一個介紹？）佢哋都識，係冇合作過。」訪問結尾，她更向記者認真地說：「唔好寫我結婚喇！」或有弦外之音。
文：影視組