JW最愛男人「耍心機」
歌手王灝兒（JW）向來對DIY的手工藝品感興趣，早前被一個「印第安頭像」的皮革吊飾深深吸引，日前下定決心上堂學習小手藝，她說：「通常呢啲手工藝品都係做銀包、手帶、頸鏈多，好少見到係用紅番（印第安）嚟做飾物或鎖匙扣。」
JW鍾情「紅番」部族，她自爆慶祝萬聖節時亦常變身「紅番女」開Party：「不過買頭冠好貴，所以係用羽毛代替，仲會模仿面上嘅圖案化妝。」
JW坦言親自製作匙扣殊不簡單：「真係幾難，一針一線都要好細心，仲要整到紅番嘅神髓，唔可以求其！」問到首個製成品會送給誰？她笑說：「梗係自己啦！等我再熟練啲，手工再好啲，到時就會用嚟當生日禮物送畀朋友，係『心機嘢』嚟！」問到若收到男友親手做的禮物，會否冧爆？她說：「我見到有皮造嘅玫瑰花，如果係男友親手做嚟送畀我，呢種男仔一定加分！」
場地：Noble Craft