白健恩抓甄子丹合作做宇宙最強
男星白健恩（小白）參選香港先生入行，憑劇集《法網狙擊》的富二代「龐世邦」一角而為人認識，在劇中強姦高海寧的一幕更成為熱話！近年他進軍影壇，更孭飛主演電影《功夫之王》，他說：「喺戲中係一個師傅，一路拍都要學好多嗰個門派嘅功夫，同埋要不停練功，好彩一直有學泰拳，同埋以前喺演藝學院畢業有跳開舞，身手都算靈活，可以應付到！」
他最崇拜「宇宙最強」甄子丹，期望他日有機會與偶像合作：「當然好想喺武術方面有多啲發揮，亦有跟師傅學不同門派嘅功夫，例如詠春我都好想學。我嘅目標當然係甄子丹，希望好似佢咁，有朝一日成為世界知名嘅武打影星，希望有機會同佢合作！另外仲有好多前輩，例如黃秋生、洪金寶、梁朝偉，我想喺佢哋身上學嘢，女明星的話就鍾意劉嘉玲同張曼玉，睇佢哋嘅戲就睇得多，好想有機會合作到！緊張就一定會緊張，但我身為一個演員，都要學識調整心情，拍戲時投入咗角色就唔會咁騰雞！」
服裝：Absolut Joy
場地：Fovea