約埋陳爽遊首爾朱璇生積日食8餐

朱璇早前與「女團」包括陳爽及兩名友人到首爾旅行，三個女仔一個墟，此行四個女仔自然嘈到拆天！朱璇說：「我哋成個旅程都好嘈好嘈，好開心，大家不停講嘢傾偈。」去到韓國自然要「血拼」一番，去到出名化妝平靚正的首爾，朱璇自然滿載而歸，掃了不少化妝護膚品及面膜。
朱璇食棉花糖，肯定同個人一樣咁Sweet。
朱璇食棉花糖，肯定同個人一樣咁Sweet。

朱璇與人妻陳爽身形同樣Fit爆，萬料不到她們食量驚人，朱璇大讚韓國食物太美味，每日吃個不停，每日由早餐到消夜食足八餐，包括炸醬麵、人參雞、醬油蟹及雪糕等。朱璇更與姊妹團到夜場見識：「有一晚都去咗飲杯嘢，發現韓國真係有唔少靚仔，佢哋仲好識打扮、好識得着衫，有型有款。」

朱璇（右）、陳爽（左）與友人在首爾買到冇停手，滿載而歸。
  • 朱璇（右）、陳爽（左）與友人在首爾買到冇停手，滿載而歸。