林莉嫻患抑鬱症出埠散心
「晶女郎」林莉嫻（Leslie）原本於王晶監製新劇《賭城群英會》中獲派好角色，卻因首日開工壓力爆煲，發高燒兼情緒病發作，最後改由沈卓盈頂上！現正停工並遠赴阿姆斯特丹休養的Leslie對於連累劇組感到抱歉。而擔演謝賢契女一角的王子涵則勉勵Leslie早日走出陰霾！
由馬國明、佘詩曼主演的電視劇《賭城群英會》現正於深圳趕拍，原本「晶女郎」林莉嫻飾演心理醫生兼謝賢女兒一角，極大發揮空間，Leslie亦十分着緊是次演出，開拍前經常在家練戲，又看心理醫生及留意病人來揣摩角色，但未知是否迫得太緊，結果首日開工即捱出病來，發高燒兼情緒波動，須即時停機回港睇醫生，結果更發現患上抑鬱症！劇組最後決定換角，改由沈卓盈頂上。
王晶派定心丸
為了休養，Leslie現正於阿姆斯特丹探望家姐兼休息，昨日她受訪時表示，對於未能完成工作感到抱歉，談到病情，她說：「最壞嘅情況，試過一個人喺屋企係咁喊，食唔到、瞓唔到，同埋手震，依家Keep住食藥同聽醫生話，好好休息。」一手提攜Leslie入行的王晶亦予以體諒，並大派定心丸，揚言將來若有適合她的劇本會繼續預她一份，非常有心。
而有份演出《賭》劇、飾演謝賢契女的王子涵（Ada），亦希望林莉嫻能夠好好放鬆，慢慢調節心情，早日康復！問到拍此劇時有否感到壓力大？她說：「因為我由細到大都好喜歡演藝事業，所以面對壓力都Enjoy，唔會太辛苦。」Ada透露於新戲中經常要與佘詩曼、馬國明等好戲之人演對手戲，並感激大家照顧，讓她可以演得加倍投入，拍攝得相當愉快！
文：影視組