杜如風待人不淑出書講愛情
旅遊達人杜如風昨日出席活動，着上防水外套，即場被移動人造雨雲淋雨。提到她不時於大城市拍旅遊節目，問她會否打算到鄉村地方拍攝？她說：「我想，但上頭唔畀，話冇嘢買嘅地方唔畀我去。不過我之前以為去不丹冇嘢買，結果買咗匹布，成萬幾蚊港幣。」
她坦言計劃再次到日本拍攝新一輯旅遊節目，但笑言要先出書：「要趕喺書展出。（本書咩形式？）講啲深入啲嘅嘢，對事情同愛情嘅睇法。（講愛情失敗？）講待人不淑，唔係遇人不淑。」問到會否找常模仿她的網絡紅人杜如科合作？她即落閘說：「我對呢個人No comment。（覺得佢抽你水？）點解你哋唔話搵梁朝偉同我合作？我唔怕，亦都好希望梁朝偉抽我水，佢點抽我都唔mind。」