趙頌茹囡囡率先獲取錄放心晒！
圈中有很多星級媽咪都好緊張明日小一統一派位放榜，如趙頌茹的大女周信希、麥家琪的兒子Enoch、林文龍和郭可盈女兒林天若、謝霆鋒及張栢芝的細仔Quintus等等，都是今年升讀小學。本身育有兩女的趙頌茹就毋須做緊張大師，因為囡囡已成功獲心儀的小學取錄，但麥家琪則形容心情忐忑。
阿Yu的大女信希今年9月就升讀小一，明日小一統一派位放榜，阿Yu昨日表示好安心，因為女兒在自行分配學位中已經獲學校取錄，她說：「嗰間都係我心水，係頭幾位志願學校，所以好開心。」阿Yu表示為女兒遞了申請表後，毋須特別面試，所以當時她與女兒都不緊張，她說：「只係揀學校時，係咁諗間學校適唔適合小朋友，因為將來佢入讀咗，就要讀六年，會諗佢鍾唔鍾意，反而嗰時諗到頭都煩，呢個經歷幾特別。」
麥家琪嘆小朋友難做
另一位星媽麥家琪坦言明日與二子Enoch齊齊等待派位結果，她說：「心情都幾忐忑，盡做啦，希望幫到佢，其實我哋都冇乜壓力，不過我個仔自己都擔心唔知會派去邊度讀書，小朋友得六歲咋。」家琪已是三個小孩的母親，她坦言感受到小朋友讀書的壓力：「依家啲小朋友好難做，如果面試後有咩不足，都會幫佢補習吓，畀啲練習佢改善，見佢都做盡啦，唔好畀咁大壓力佢哋。」不過麥家琪笑言經過大仔及今次二仔的入學經驗，四歲的細女就可以從玩樂中學習。
「國際父母」唔使煩
謝霆鋒、張栢芝的細仔Quintus（謝振南）、邱淑貞的三女沈晨今年同樣都6歲大，不過Quintus跟沈晨分別入讀不同的國際學校，所以兩人沒有參加小一統一派位，兩人的星級父母霆鋒、栢芝及邱淑貞也不用煩惱放榜結果。
文：音樂組