諸葛紫岐掃貨只揀靚地段
諸葛紫岐買樓要揀靚地段，向來對投資置業有研究的溫碧霞及任達華亦分享投資心得。
諸葛紫岐早前賣出九肚山獨立屋，大賺2,000萬，而她早前到倫敦工作時亦有朋友帶她睇樓，惟現時仍在考慮中：「喺外地買樓投資最緊要睇地段，要近市中心或者地標。靚地段一定有人接貨，個價會硬淨好多，所以我喺美國投資買樓都揀番市中心。不過英國成日都話會脫歐，我覺得倘若成事對貨幣會有影響，最直接反映就係樓市，所以真係要睇定啲先！」
任達華：「我都會買樓花，但一切要等公投脫唔脫離歐盟結果出咗先，脫歐就等冧價買，唔脫歐就即買，唔好等！（點睇曼城物業投資前景？）曼城主要係工業城市，除非好鍾意曼聯或者曼城足球隊，否則我傾向揀番倫敦，穩陣啲！」
溫碧霞：「海外物業投資地區性好緊要，最好買旺區，升值能力比較高。喺外地投資我會睇自己用唔用得着，我喺日本同峇里島嘅物業都係用得着嘅，同埋要趁樓價低先入貨，但我好少買樓花，因為睇唔到物業實際情況。」