名牌：67歲Romeo Gigli永不言休

手袋品牌PERNELLE在米蘭時裝周期間舉行2016秋冬系列預展，新作是殿堂級設計師Romeo Gigli上任後的第二個系列。
Gigli對於每個年代的風格元素都了然於心，總能巧妙地組合變奏成為新一代作品。
Gigli對於每個年代的風格元素都了然於心，總能巧妙地組合變奏成為新一代作品。

最愛Farfarla 浪漫復古

Gigli接受本報訪問時解構新作設計，秋冬延續其喜愛的復古風，並將男性與女性的比對美學引入。他表示：「例如Franco系列，手袋前面嘅口袋取材自中世紀女士服裝，但手袋柄上嘅斜紋則來自男裝領呔設計。我鍾意將男裝同女裝嘅元素放埋一齊，我留意到時下嘅年輕人都好鍾意咁樣mix and match。」此外，秋冬首次推出高而窄的長方袋形，Gigli解釋：「因為女人都鍾意movement，長條形袋移動感大，而且長形設計可以拉長身體線條。」至於最愛的系列，Gigli揀了Farfarla，袋子廓形簡單，但兩側綴滿皮革ruffles，手挽柄兩側各有金屬扣及蝴蝶結裝飾，復古又浪漫。

Farfarla系列兩側綴滿皮革ruffles及蝴蝶結裝飾。
  • Farfarla系列兩側綴滿皮革ruffles及蝴蝶結裝飾。
Franco系列將男裝及女裝元素mix and match。
  • Franco系列將男裝及女裝元素mix and match。
Rosa系列是玫瑰花點綴於手袋上。
  • Rosa系列是玫瑰花點綴於手袋上。

緊貼時代轉變不離地

雖然Gigli的作品總帶復古風，但其創作並不離地，他坦言經常會觀察不同的人，並從中獲取靈感：「我會留意我太太、我個女、我個女身邊嘅朋友，睇吓佢哋鍾意啲乜嘢，做緊乜嘢。」現年67歲的Gigli依然精力旺盛，除為品牌設計手袋，他還設計男裝、舞台戲服，又在設計學校任教。問他有否想過退休，他理所當然地說：「我唔會退休，我好鍾意設計。」