蔣怡病到瘦出山行騷
逾十年沒有行時裝騷的名模蔣怡（CoCo），以友情價「出山」為設計師好友蔡毅明再踏天橋，坦言很大壓力。早前大病一場的她消瘦不少，笑言要增肥行騷。
模特兒出身的蔡毅明（Grace）創立的摩登旗袍品牌Yi-ming，昨日舉行時裝騷，名模蔣怡（CoCo）、前亞姐黎燕珊、裕美、陸詩韻等專誠支持。Grace透露品牌以其名字命名，成立近四年：「我覺得依家嘅年輕人對旗袍文化認識好少，唔想冇咗個承傳，我想畀人知旗袍唔係咁老土，可以好年輕化。」CoCo大讚好友Grace對設計充滿熱誠，她久未行騷，但特別為對方再踏天橋，感到很大壓力，其夫翁狄森亦有到場支持。
老公補送「花瓶」耳環
原來CoCo對上一次行騷已是十年前，她說：「今次收友情價。（今次有冇減肥操Fit？）之前我病咗成兩星期，連生日都病到出唔到街，要瞓床，瘦咗幾多我冇磅過，但生咗小朋友之後，因為湊B而練咗嘅肌肉，都因為病冇晒，所以依家要增肥。（老公好心痛？）冇喎，係冇人煮飯畀佢食啫。」雖然生日當天未能慶祝，但近日已補祝，老公更送了一對耳環給她：「對耳環係老公間公司嘅最新系列叫『花瓶』，佢成日都話我係花瓶，話我冇用，但佢話我係最靚嘅花瓶。」
黎燕珊鼓勵女兒選美
選美出身的黎燕珊提到ViuTV將辦選美，她坦言非常鼓勵女兒參選：「我個女條件唔錯，既靚女又有口才，可惜佢冇興趣。（想唔想母女檔拍真人騷？）有電視台搵過我哋一齊去旅行或者做主持，但大前提要配合個女嘅檔期。」以低胸吊帶裙現身的裕美，勤做運動減肥成功，現擁有22吋纖腰，她承認上圍因而縮水：「但未去到iPad胸，因為我好勤力飲木瓜奶，真係有效。」
文：名人組