吳綺莉昨日邀得趙頌茹到電台接受其節目訪問，講到一次過擲約千六萬購置大坑一個單位，吳綺莉表示六月中收樓，買樓是因女兒兩年後離港讀書：「佢叫我對自己好啲，到時佢走咗，我咪搬番出嚟。（身家豐厚難搵男友？）豐咩厚，唔好玩，畀人笑。」又呻現時冇人追。另外，戴黑超的趙頌茹表示感冒菌上眼：「之前發燒五日，依家退咗燒，不過啲菌上眼搞到紅腫，差唔多好番，但唔可以化眼妝住。」
