驚好友擔心李珊珊：我冇腦瘤！
藝人李珊珊之前被傳腦生瘤，雖然她已澄清，但現又傳上年年尾她在家中痛致暈倒，更要消防員破門入內搶救，珊珊昨日再接受訪問，她笑言：「我屋企道門冇爛到，我好好，大家唔需要擔心！」問到生腦瘤一事，她直接否認謂：「我冇腦瘤！（咁身體上有冇毛病？）有邊個人活到呢個歲數冇毛病o架！」
她的好友吳家樂接受訪問時坦言珊珊愈來愈收埋自己：「如果有咁嘅消息都有啲擔心，之前佢出席賽車活動時都唔係好想見人，我同佢咁好朋友，佢都唔會覆我。」之後珊珊看過新聞後怕好友擔心，故上載了東網的新聞向家樂解釋：「大少，哪有不回覆你、誰敢呢？」又留言謂：「不斷接聽大家電話，又忘了廚房正在煮食……現時屋子滿滿燒焦的味道。」