陳爽帶囝囝遊英鋪路入劍橋？

藝人陳爽、前無綫新聞主播趙海珠及伍家謙昨日出席兒童滑步車活動，有一名歲半兒子的陳爽透露有意讓好動的囝囝試玩，暑假除安排他學習游水，也會舉家到台灣及九月到英國旅行。而老公貴為劍橋校友的她，笑指早前看了無綫節目《星星探親團》描述劍橋生活後，有感校園景色美麗，故欲趁此行讓囝囝見識一番：「我都係牛津交流生，所以都想去望吓校園，帶個仔影吓相。（係咪幫個仔鋪路？）睇吓啫！影吓相囉！（個仔長大後送佢去外國讀書？）會睇佢意願，等佢自己決定。」對於無綫計劃今年安排港姐與港男選舉合體，同是選美出身的陳爽亦贊同：「一定好刺激，之前做過港男評判，好多娛樂性，港姐就高貴同大方，都想知Combine埋有咩效果。」