劉愷威和楊冪為囡囡小糯米慶祝2歲生日，小糯米爺爺劉丹透露短短半日的慶祝內容甚為簡單：「都係屋企人一齊食吓飯、玩吓咁慶祝孫女生日，所以都唔會鋪張，亦冇叫其他朋友嚟。」談到楊冪旋風式返回內地，對其行程瞭如指掌的劉丹非常體諒新抱工作繁忙：「佢只能同劇組請一日假，今晚佢都要趕返橫店，聽日一早就開工。」
由於兒媳經常在內地工作，所以小糯米一直由爺爺嫲嫲在港照顧，加上完成無綫劇《愛．回家》的拍攝後，劉丹有更多空餘時間，幾乎全天候黐實孫女，做廿四孝爺爺，每當受訪提到孫女，他亦笑到見牙唔見眼，一臉滿足。