《玄學星相》：Alan七殺外露夫妻硬碰硬
不少女士期望嫁入豪門，可以過着養尊處優的「少奶奶」生活，相信男士們亦想迎娶「白富美」，升格做「豪門女婿」。樂隊Mr.主音Alan（布志綸）及無綫藝人黎諾懿，同樣有個家底雄厚的老婆。《東網巨星》推出的節目《玄學星相》，最新一集邀得堪輿學家陳子才，以玄學角度全面解構他們如何成為「豪門女婿」。
《東網巨星》娛樂節目《玄學星相》播出後反應熱烈，深受觀眾歡迎。最新一集就由堪輿學家陳子才，以玄學角度分析造就「豪門女婿」的玄機。Mr.主音Alan前年與富家女友Sally結婚，女方家族坐擁逾十億身家，讓他搖身一變成為「十億女婿」，令人羨慕！究竟Alan是否有「豪門女婿」面相？陳子才說：「Alan嘅命格叫『財星為喜』，而『財星』喺男人嘅命格代表太太，即係佢娶到一個幫到自己，條件亦都好過自己嘅太太。」陳子才續指黎諾懿的命格同樣符合做「豪門女婿」，但他可能會轉行：「黎諾懿到2020年會轉大運，到時佢嘅事業發展可能有唔同，即係佢依家主要做演員，有機會轉行做生意，或者有其他發展都唔出奇。」
黎諾懿識就老婆
至於兩對夫婦的相處模式，陳子才分析說：「Alan嘅命格有『七殺外露』，即係佢性情比較直，脾氣比較大，而佢太太個鼻比較大，即係自主性較強，有機會佢哋會爭持不下。而黎諾懿眉粗、眼神柔和，代表佢識得遷就及尊重老婆，相對嚟講佢哋相處好啲。」想繼續聽師傅點講？只要Click入《東網巨星》的「視娛樂」，睇《玄學星相》就更啱Feel！
網址：http://goo.gl/ncZKXk
文：專案組