區瑞強讚男神好波 展鵬失晒魂
「民謠宗師」區瑞強（Albert）一連三場《區瑞強我們一起唱大演唱會2016》前晚假伊館圓滿結束，第三場的壓軸嘉賓是被他形容為既好波又是「TVB第一男神」的陳展鵬，Albert在台上感恩說：「有人要付出好大嘅代價嚟，因為佢將軍澳啲廠景停晒，問佢度期係要向TVB度！不過最後都可以排除萬難，因為真係想佢唱歌畀歌迷聽。」
當展鵬隆重登場及獻唱時，「鵬迷」即高舉燈牌又起哄。當兩人合唱《Shall We Talk》後，Albert再力讚好友有靚身形又靚仔，更指展鵬有打高爾夫球天分，如將一半拍戲時間花在打波的話，將可成為世界級職業高手！未知展鵬是否被讚到失晒魂，竟將伊館講錯為紅館，Albert即執生說：「其實每年都有人搵我去紅館，但呢度親切啲同啲聲靚，出年40周年演唱會都喺呢度搞。」展鵬笑言屆時不惜停廠一星期也要做嘉賓！其後到杜麗莎出場，Albert又笠高帽：「好開心可以同偶像、國際級歌手合唱！」
諗定40周年大搞
Albert的三場演唱會嘉賓如雲，包括首場有曾志偉及黎瑞恩，第二場則有方健儀、馬浚偉與湯寶如，他在後台受訪時感激好友支持：「今（前）晚會興奮到瞓唔着，一生人最幸運就係有好多好朋友支持。」還預告明年的40周年演唱會會做得更好，將有更創新的概念：「因為一生人只得一個40周年。」