萬綺雯愛自由一年一劇

藝人萬綺雯及洪卓立等昨日出席活動，談到佘詩曼和無綫約滿後會自組工作室，與無綫屬部頭約的萬綺雯直言不覺得愈來愈少花旦：「慢慢又有番嘅啫。（好多都嫁人生仔？）咁有唔同年齡o架嘛！去到嗰個年齡係應該做嗰啲嘢就做，我覺得冇咩所謂，結完婚生完仔都可以繼續合作。」並表示喜歡自由，基本上一年只會拍一部劇。