王敏奕1秒變臉街坊讚
藝人王敏奕（Venus）與馬志威，日前為新片《初戀日記：賤男蜜擾》到深水埗街頭拍攝鬧交戲，Venus一度情緒失控爆喊，但隨即換上校服拍攝甜蜜地掃街邊小食的戲份，兩人情緒轉變之快，令圍觀街坊讚嘆！
Venus指現實中不會Check男友曾國祥手機：「我哋互相尊重。（曾國祥喺ViuTV《晚吹》話想同你嘅戀情係最後，你都一樣？）我之前都唔知佢拍過幾次拖，所以我都有好留心聽，咁拍得拖當然希望係長遠啦！」而馬志威亦自言能讓女友放心：「我係好乖嘅，所以都冇被Check手機，頭先見Venus感情好澎湃，大家Cut咗機都繼續Keep住情緒，到拍完場戲先敢回復正常。」
