15歲半面試瞓唔醒險錯過執二攤

憑新藝城電影《開心鬼》嶄露頭角的羅明珠跟羅美薇、李麗珍同期於1984年出道，當年她只得15歲半，入行經過亦相當有趣！《開》片監製黃百鳴說：「當年搵佢唔係首選，本來想搵倪淑君，因為佢拍我部《陰陽路》紅咗，好多人搵佢，所以撞咗期！唔想佢撞期犧牲第二部戲，所以決定換新人。記得第一次見羅明珠係喺夜晚嘅時候，當時佢因為畀姑姐叫醒嚟見我哋，所以成個人都矇矇鬆鬆！第二日再嚟試鏡，發現佢好醒目、好口齒伶利，所以即刻起用佢。」