袁潔儀濕吻有賺

前亞視女藝人袁潔儀除了已簽約無綫，早前更踩入影壇主演電影《屍小姐Z》，她直言拍戲經驗難忘，飾演夜總會公關的她跟幾位「囡囡」相處融洽，又與自編自導自演的主角Sam哥濕吻：「冇諗過我年紀都接近半百，仲可以拍到咁得意嘅電影，最難忘就梗係要濕吻Sam哥，其實我咁多年都冇乜點拍咀戲，今次真係不枉此生啦！仲有成班年輕演員好有活力，其中一位香港澳洲16歲混血男仔Aden成日讚我靚女，把口浪過油咁！」
袁潔儀與Sam哥做對手戲。
袁潔儀與Sam哥做對手戲。

潔儀又感謝Sam哥邀請她做女主角，對方更請來一眾亞視幕後舊友參與，令她倍感親切。講到在TVB的發展期望，她直言做主持或拍劇都冇所謂，笑言會把握機會。

袁潔儀獲混血男仔Aden讚靚女。
  • 袁潔儀獲混血男仔Aden讚靚女。