Shirley騎技險勝Christy陪跳石春

最強娛樂資訊App《東網巨星》娛樂節目《東網Baby大作戰》，每集找來樣靚身材正的女星接受大挑戰。去年憑着平價《Sugar Baby》MV而成為網民熱話的FFx，成員Shirley（楊澤怡）與Christy（周葆諭）今集接受體能大測試，第一關是30秒內玩健騎機鬥多次數，第二關則鬥快玩五次坐推器，最後一關是雙槓接龍大比試。

鬥臂力分高下

平日以姊妹相稱的Shirley與Christy相約於公園互下戰書，誓要決一死戰！甚少運動的Shirley明顯先輸氣勢，平日有玩游水與田徑的Christy則甚為得戚，並向姊妹宣戰：「你唔好以為你平時咁錫我，我就會讓你！」不過第一回合玩健騎機，Christy只完成十七次，大熱倒灶輸給拚命做到二十次的Shirley。第二回比較需要臂力與背力，運動健將Christy短短10秒便完成五次，相反Shirley連基本動作也未能完成，做到一半更幾乎扯白旗，結果大比數落敗。最後一個回合「雙槓接龍大比試」，兩人支撐在雙槓上玩接龍，接龍失敗或率先着地者算輸，鬥力之餘更要鬥智，結果身為大學生的Shirley因體力不支而投降。

身穿小背心的Shirley出力咁騎，騎到標晒汗！	睇Shirley兩臂好似贅肉較多，鬥臂力梗輸！	與Christy鬥力又鬥智，Shirley扯白旗投降。

忍痛跳《Sugar Baby》

輸家Shirley接受大懲罰在石春路跳舞，但Christy非常有義氣，與姊妹齊齊踩上石春路跳《Sugar Baby》與《MK Pop》，實行同甘共苦：「究竟係石春路嘅痛楚大啲，定係我哋對粉絲嘅愛大啲呢？梗係對粉絲嘅愛大啲啦！所以我哋依家就跳畀你睇！」

http://goo.gl/2nUszL

文：音樂組　

攝：張福宏