陳國坤Train囝囝做接班人

藝人陳國坤日前以搞笑爆炸頭造型拍攝王晶新片《男神訓練營》，老婆黃伊汶更帶同兩個多月的囝囝前來探班。而《男》片導演、與陳國坤相識多年的好兄弟林子聰一知道BB來到立即上前抱抱，不過BB一到林子聰手上便狂喊，林子聰只好無奈地將BB「歸還」，而黃伊汶產後兩個月便極速收身，回復Fit爆身材！陳國坤說：「佢之前太瘦啦！坐月坐咗兩個月，依家畀我養到好似粒糯米糍咁！」又透露太太已復工，不過一星期只返三日，其餘時間照顧囝囝。至於會否為兒子舉行百日宴？他表示想待囝囝一歲時才搞生日會，問會否教囝囝打功夫？他說：「做吓運動、Sit-up咁，等佢靈活啲！」