周潤發玩失蹤 發媽喊住搵仔

曾炮製不少經典劇集包括《再見艷陽天》等的資深製作人楊紹鴻，昨日在馬鞍山出席新書《一起走過的日子》的簽名會，好友米雪、江美儀、鮑起靜、苑瓊丹（苑仔）、吳浣儀及樓南光等前來撐場，他在台上多謝各方好友：「本身冇諗過出書，但個個話『出啦出啦，你口述，我幫你寫』先決定出。」苑仔在台上笑指楊紹鴻對人「在生問候、走咗問米」，楊紹鴻即說：「我最近問正英（苑仔舊愛林正英），佢叫我問候你點，一般性生活愉快嗎？」苑仔聽罷即大笑說：「真係有心！」

為拍戲離家出走

書中結集了33位紅星的往事，而所有版稅收益將撥捐慈善機構，當中提及周潤發在80年代仍是無綫小生時，曾因想接拍電影《巡城馬》，但因要主演劇集《衝擊》而撞期，故一度玩失蹤，更離家出走！當時身為副導演的楊紹鴻親自上門搵發哥開工，怎料發媽亦表示找不到兒子，當場激動流淚並要求楊紹鴻幫忙「搵仔」，發哥其後因而被無綫雪藏！

發媽：咪再嚇阿媽喇！（設計對白）	苑瓊丹（左）、米雪及江美儀（右）合力為楊紹鴻的新書造勢。	米雪未知明年是否開拍《溏心風暴3》，但十分期待。

楊紹鴻又在書中大爆曾對汪明荃開出沒有銀碼的支票，及度身訂造劇集邀她過檔亞視，令她「一刻心動」；又提及葉德嫻由從前的「葉例遲」變成現在的「葉準時」等。另外，他又在書中懷念已故影星林正英，指對方當年患肝癌後，對身邊好友一概不提，故無法見他最後一面，目前仍很掛念對方。

苑仔分享溝仔經驗

活動後，問苑仔會否出書分享婚姻之道，她搞笑地說：「我係專家啦！我縱橫情場咁多年，咩類型嘅男人都見過，點樣對付佢哋，我心中有數，出本書教大家點樣修成正果都好喎！（搵老公寫序？）佢可能淨係寫『八婆』兩個字。（老公平時唔發脾氣？）佢邊夠我嚟。」此外，前亞視藝員劉家聰亦有到場支持，事後在網上表示剛從會計事務所收到亞視的欠薪支票。

文：專案組