馬國明等足3年終於咀到佘詩曼！

佘詩曼前晚專程由內地回港，偕馬國明及黃翠如等到九龍灣出席myTV SUPER網絡電影《愛情來的時候2》優先場。提到電影是myTV SUPER的打頭陣之作，阿佘說：「唔知喎，希望收視好啦！都拍得幾辛苦，因為時間緊迫，但都好值得，德國嗰邊啲風景靚到好似畫咁！」第一輯中，她與馬國明沒有咀嘴戲，新一輯繼續冇得咀，但首播片段中見他們不乏面貼面、鼻對鼻的溫馨畫面，她說：「今次都唔使咀，劇情冇咁嘅需要啩。」

阿佘晒流利德語

曾學習德語的阿佘在電影中大晒語言天分，她說：「好多年冇講，有啲生疏要練習番，拍攝時都有專人指導我。」最近在內地拍攝王晶新劇《賭城群英會》的她與謝賢合作愉快，對方得知她要趕回港出席電影優先場後，更加緊配合拍攝進度！《愛情來的時候2 德國》將於本月28日播映，當日剛巧是阿佘生日，問到屆時會如何慶祝？她透露應該要開工，希望放工有時間食飯慶祝。

翠如由黃浩然（右）及周柏豪傍實行紅地氈，似足女王出巡！	《愛》片前晚舉行優先場，吸引不少觀眾捧場。	一眾台前幕後舉杯祝酒，預祝新作有好成績。

契妹仲未報喜

馬國明難得與阿佘兩度合作拍《愛》片，拍攝時間前後足足三年多，卻沒有咀戲，他笑說：「我依家都係同佢拍緊《賭城群英會》，睇劇本應該有（咀戲），我終於咀到！唔好再話我咀唔到！（電影係myTV SUPER頭炮？）唔知，要睇公司安排，自己冇壓力，我都係跟阿佘姐學嘢！」

雖然冇得咀嘴，但馬國明與阿佘在片中不乏談情戲。

放大圖片

此外，有指洪永城已向契妹唐詩詠求婚，馬國明表示不太清楚：「詩詠冇同我講，可能應承咗先同我講啩！（有乜意見？）最緊要佢鍾意，同埋覺得個男仔信得過，可以付託終生！（洪永城信唔信得過？）同佢唔熟，但相信唐詩詠嘅眼光。」

文：影視組