陳煒撩黃光亮唱大戲
藝人陳煒、黃光亮和苑瓊丹等一班無綫劇《火線下的江湖大佬》演員昨日在上環出席「和諧樂齡日 社區攜手創」活動，黃光亮與陳煒合唱經典金曲《只有情永在》，反應熱烈。甚少開金口唱歌的陳煒笑指，經常被黃光亮撩獻聲：「佢開劇前已經叫我同佢唱，又教我點樣用講嘢形式去唱，下次我哋唱粵曲。」問會否考慮組隊登台，黃光亮即笑言希望請得郁她。
豪言《火線》結局贏硬
提到《火》劇深受歡迎，對結局篇收視有否信心，黃光亮即說：「係贏硬！」是次活動籌得20萬予視障人士，黃光亮表示成績很好，並指這是社會責任，陳煒更笑說：「佢啲片酬都拎晒出嚟，開心就得！」
同場的苑瓊丹早前於內地節目自爆曾向老公掟鬧鐘兼提離婚，她表示是想分享經歷呼籲夫妻間要包容，並說：「邊個女人唔車過兩三樣嘢出去！（唔夠膽！）講大話！（唔怕人哋話你惡妻？）我後生真係惡妻，但我成長、學習到點樣退一步。」但又表示工作方面因責任問題而少作讓步。
文：影視組