舊愛周汶錡「趕工」博生女
年過半百一索得男的杜德偉，兩位舊愛吳君如與周汶錡（Kathy）亦一早成為人母兼組織幸福家庭，吳君如更有女初長成，日前她笑言今年10歲的女兒陳是知「情竇初開」，主動問君如的情史！至於Kathy去年與法籍丈夫共同製造愛情結晶品Jacques，對於舊愛終於「得米」做爸爸，她昨日受訪說：「我唔知！恭喜晒佢，希望快啲生番個肥肥白白嘅BB！」
前日生日的Kathy又透露與老公到日本過二人世界，笑言是造人之旅：「去咗日本三日兩夜，主要去食吓嘢。（生日願望喺咪生番個女？）係囉！造人Trip，哈哈！」Kathy前晚才返港，一落機便與好友上山詩鈉及侯維德等慶祝，壽星女以露肩打扮上陣，吹蠟燭時還透出「事業線」！
