方力申爆加操備戰湊仔

杜德偉兄長、現職健身教練的杜德智昨日受訪時被問到將榮升伯父，他超興奮兼頻頻講「極度Surprise」、「Very happy and excited」，非常期待跟姪仔見面：「想早啲望吓佢係咩樣，同佢哋一齊玩吓、做運動。」而方力申亦戥好友杜德偉開心，還踢爆對方為迎接兒子而積極健身：「佢呢排都好勤力、好健康咁做運動，目的只有兩個，當然一為工作，另一就梗係想有個健康身體去迎接新生命，因為男仔（指BB）喎！出到嚟梗係好百厭！一定要有好多體力同佢周圍走，以前佢一定係同我哋一班人先做運動，依家就一個人都走去做Gym。」另外，方力申日前接受電台訪問時談及舊愛鄧麗欣，多度泣不成聲，坦言仍未能放下這段十年情。