易致血管閉塞避坐長途機！

杜德偉為瞞住家人，帶埋大肚老婆李曉冰搭飛機，婦產科醫生余啟文指孕婦搭飛機的確有潛在危機：「四個半鐘頭內嘅短途旅行會安全啲，長途旅行會增加患『深層靜脈閉塞』嘅機會，因為機艙氣壓比外面低，所以血管比較容易閉塞，加埋孕婦嘅子宮血液循環冇咁好，所以有較大機會出現呢個情況，有可能會致命！長途旅行如果經過南北兩極，更會有輻射風險。」余醫生又指孕婦不適合在懷孕頭三個月及臨盆前的一個半月內搭飛機，搭飛機時因空氣不流通，亦會增加孕婦感染病毒機會：「飲足夠嘅水、着啲鬆身衫，飛機上亦最好有充足嘅伸展空間，唔好長時間坐喺度，伸展吓手腳幫助血液循環。」