蔡一智抽Leon水拋金句
組合草蜢相隔十九年再推出國語專輯《Music Walker》，新碟籌備了三年，蘇志威笑言會預留一年時間宣傳，蔡一智揶揄他早前空肚跑馬拉松中途暈倒送院，還陰陰嘴說：「每日我都提佢做宣傳前記得食早餐。」蘇志威即拋黎明（Leon）金句說：「金句王（黎明）叫我唔好空肚食早餐。」
一講到黎明金句，蔡一智說：「大家喺街見到我哋，千祈唔好叫我哋加油，叫我哋Good luck。」又引述黎明開戶外演唱會形容「核心內圍」及「核心外圍」：「Leon講過無論發生幾大件事，都要Keep住微笑，為咗我哋核心要堅持，令核心外圍嘅朋友接觸到我哋新專輯。」令人捧腹。