麥長青撐卓慧敏澄清事件

演藝人協會前理事卓慧敏昨日在應屆理事麥長青及好友藝人田啟文陪同下開記者會,就有匿名人士在WhatsApp開群組加入藝人及記者電話,散布卓慧敏受迫害一事,作出澄清及嚴正聲明。麥長青說:「呢個人藏頭露尾,不斷作出滋擾,但都係不實指控,我估計佢係行內人。(有報警、搵律師?)報過,但因為佢用太空電話卡,搵唔到人,律師指冇乜可以做。」卓慧敏嘆無奈:「若果衝住我而嚟冇問題,但影響到其他人,甚至殘障機構就唔好,我有個幫助殘障人士嘅機構,我多年前拍《殭屍》(《我和殭屍有個約會III之永恆國度》)工傷,報告話我聽力只得兩成,殘障已經不幸,若再對佢哋作出傷害,就更無辜。」