王敏奕遭舞林初哥狂踩!

曾國祥女友王敏奕，前晚為新片《初戀日記：賤男蜜擾》到青衣一所中學的禮堂拍攝畢業舞會情節，並與馬志威翩翩起舞，馬志威自爆練舞時多次踩到舞伴腳，Venus包容地說：「可能佢係肌肉型，平時少扭腰，練完舞佢話痛咗成晚，其實我跳舞都唔叻，都係拍無綫劇《女人俱樂部》先開始接觸，睇到馬志威就好似睇番自己當初學跳舞咁樣。」問到男仔識跳舞會否加分？她興奮地說：「正添啦！（男友跳舞叻？）佢中學做過Dancer，知佢有段跳舞往事，但我冇見過佢跳。（叫佢幫你練舞？）日日開工，我同馬志威溝通多啲。」

馬志威孖煙囪跑操場

Venus又稱讀書時不是校花：「我完全唔係（校花）！不過我中學時都好期待畢業舞會，因為係首次打扮、着高踭鞋，但可能香港太保守，當年我都冇男伴約我跳舞。」馬志威則自言為Venus獻出第一次：「我真係未跳過舞，練習時踩到排舞師同Venus隻腳，但Venus跳得好好！（拍跳舞戲要埋身感緊張？）合作得幾好。（戲中使唔使晒肌？）第一日開工拍我着條孖煙囪喺操場跑，當日唔太熱，唔尷尬，係我肥咗啲啫！」

糖妹探班陪通頂

此外，Venus昨日在Facebook上載前晚曾國祥和糖妹探班的合照，見她與男友頭貼頭舉V，非常甜蜜，她留言：「帶好吃的到現場探班也算了，還陪拍到收工……那可是從天黑到天亮啊。」並於結尾備註「bestboyfriendever」，高度評價男友為歷來最佳男友，大晒幸福！

文：影視組