葉世榮盼掀集體回憶

前樂隊Beyond鼓手葉世榮昨日參觀由歌迷借出的Beyond珍藏展覽,他亦帶同多張極具紀念價值的Beyond海報到場,包括Beyond於1985年自資舉行首個演唱會的海報。世榮說:「張海報係阿Paul(黃貫中)設計,我 哋嗰時會自己通街貼。有呢次演唱會先吸引到經理人同唱片公司支持我哋,希望勾起大家嘅回憶。」

提到下月舉行的紀念黃家駒慈善演唱會,世榮透露仍嘗試游說黃家強參與演出:「到呢刻我仲期望家強會出席,今年唔得就出年,希望出年可以以三個人嘅形式呈現,之後每一年我都想搞一個紀念家駒嘅慈善活動。」