羅孝勇昨日出席活動，他澄清與模特兒王丹妮只是朋友，又自爆最近被怪人騷擾及散播謠言，對方會將他與女生的互動向傳媒報料，但並不清楚對方的身份，坦言擔心對朋友構成不便！

歌手羅孝勇（Sheldon）昨日出席商場宣傳活動，期間落力邀請途人合照及派發氣球，他受訪時坦言有「食檸檬」：「有啲都食得開心，有啲都怕醜，不過我之前讀大學時有搞學會，嗰陣有叫人入會，已經有經驗。」問到可有試過在街頭向女生「抄牌」？他笑言未試過，但自爆試過反被女生「抄牌」：「喺澳洲試過畀外國女仔『抄牌』，不過都係朋友。」

提到最近與育有一女的模特兒王丹妮傳緋聞，Sheldon澄清彼此只是朋友：「佢幫我做Styling，佢都諗緊唱歌，所以就教佢唱歌同錄音。（成日傳緋聞，會避忌啲？）都係朋友。」他又自爆最近受到怪人騷擾及散播謠言：「有個怪人好留意我嘅Instagram（ig），一見到我同啲女仔有Contact就即刻Send畀人，包括傳媒、我間舊公司同屋企人，但我唔知佢係邊個！」問到是否得罪了別人而不自知？他指不清楚發生了甚麼事，而該名怪人經常在網上留言發表古怪評語，又說：「我係咁Block佢，但佢會再開新Account搞我，最驚影響到朋友。」

提到工作，現時沒有與任何公司簽約的他自言很開心，因為新歌MV推出短短一周已有不錯的成績：「依家已經有120萬點擊率，好Surprise，好開心，之前啲歌都係得3、4萬，依家已經係好大Bonus！（冇咗公司反而仲多人睇？）唔關事，都係天時地利人和，我都有睇粉絲Comment，感動到想喊！」他透露現時與周志文合作搞社交網站頻道，上次翻唱《太陽的後裔》插曲《Always》大獲好評，稍後會翻唱韓文歌，更預告今次會邀得香港女歌手合唱。

文：音樂組　

攝：林蔚恩