睇好周秀娜隨時攻陷內地

蕭定一不斷招兵，令旗下猛將如雲，不少更是「點金勝手」，對此作為老闆當然高興，他亦大方逐一品評！面對性感女神周秀娜，蕭定一自言心中有愧：「佢係一隻牛，做嘢好搏命！佢簽我呢兩年，其實我覺得欠咗佢，對佢唔住！因為我一直想開戲畀佢，但每次都遇到不同波折，直至最近先有部為佢度身訂造嘅電影《29+1》。我覺得套戲會令佢成功，大家會見到一個全新嘅周秀娜！香港女藝人畀內地女藝人『打』得好傷，但娜姐有佢獨特嘅特質，就係佢性感得嚟，男女都會鍾意，令佢可以喺呢個圈企穩陣腳。依家佢只係欠一個機會，就可以跳上一個令人難以想像嘅高度。」