張智霖年賺過億不忘本

蕭定一對於年賺過億的首席愛將張智霖讚不絕口：「佢同我好多想法都好相近，如果有共同興趣，必定係好好嘅朋友。佢係一個唔難相處、明道理嘅藝人，我成日講，如果連張智霖都相處唔到，呢個圈都冇乜邊個藝人可以相處。當然我為佢做出嚟嘅成績表都好見得吓人，佢依家嘅收入係之前未加入我哋公司嘅六、七倍，我都好開心。張智霖係一個好懂得感恩嘅人，好多時幫公司做嘢都冇收錢，亦係佢帶起呢個文化，令到啲師弟妹都有樣學樣，只要為公司好嘅嘢，大家都冇乜所謂，好似一個大家庭咁。呢樣嘢係令我覺得好驕傲，好似之前同HMV簽約時，旗下好多藝人都到齊，如果逐個計錢，真係天文數字。」