笑吳彥祖有M字額Lisa S.：佢點都靚仔

名模Lisa S.和琦琦等昨日以星級評判身份出席模特兒比賽，選出模界後起之秀。Lisa透露囡囡Raven樣子與她相似，而乖女出世至今仍未剪過頭髮，她說：「佢啲頭髮長到落屁股！（點解唔剪？）因為頭髮對女仔好重要，但呢樣嘢好個人，佢第時想剪都可以。（佢想短髮、剷青都得？）冇所謂，我19歲都試過，開心就得。」問到老公吳彥祖（Daniel）是否已經有M字額？Lisa笑說：「佢M咗一段時間啦！好彩佢頭型靚，就算剷光頭都靚仔，我好愛佢，佢對我嚟講點都係好靚仔！」她指囡囡的普通話教學由Daniel負責，又自爆曾被囡囡取笑普通話差，只懂用廣東話罵人。