劉浩龍最怕瞓床嘎嘎聲
歌手劉浩龍（師兄）日前到家鄉中山商演，當地是內地傢俬出口地，問到哪一件家品對他來說最重要？他說：「床！因為好怕張床會嘎嘎聲。」引起全場大笑，大家都以為他講有味笑話，他即更正：「其實呢個係我真心答案，因為細個瞓碌架床，但質料好差，上落床都會嘎嘎聲，大家誤會晒我嘅意思！」
此外，現場有女粉絲送上自製的「浩龍男神」紙板，逗得他非常開心，他說：「香港做唔到男神，估唔到返鄉下做到！我心目中嘅男神係劉青雲，因為佢係Family man，又錫老婆，又會去街市買餸，同記者做訪問又好幽默！」他又透露下月將到馬來西亞拍恐怖片，片中飾演殯儀業從業員。
