羅孝勇搞喊周志文吸百萬點擊

歌手羅孝勇於上周五將新歌《等價交換》上載社交網站,還找來好友周志文擔任MV男主角,內容講述志文為賺錢買樓結婚,搞到冇時間陪女友而令對方轉投別人懷抱,志文於MV中更嚎哭演出!直至昨日,該MV已有105萬人次點擊,轉載都有1.5萬,反應超級好,連身在內地工作的胡杏兒亦轉載並留言:「撐兄弟,周志文,喊得好正!」

對於新歌成績理想,羅孝勇非常開心可以作到一首令如此多人有共鳴的歌:「甚至有人就我呢首歌帶出嘅問題去留言,講自己嘅故事或睇法。作為寫歌嘅我係想同聽眾交流,希望嚟緊有更多人分享佢哋嘅故事!」